Frakcija Lěwicy podpěruje wotum Domowiny – druhe frakcije wočiwidnje na stronskopolitiske zajimy wusměrjene
Erstellt am: 14 Januar, 2010 | Kommentare deaktiviert für Frakcija Lěwicy podpěruje wotum Domowiny – druhe frakcije wočiwidnje na stronskopolitiske zajimy wusměrjene
Serbski zapósłanc Hajko Kozel, mjeńšinopolitiski rěčnik frakcije Lěwicy w Sakskim krajnym sejmje, so k wólbam čłonow Rady za serbske naležnosće wupraji:
Bohužel njejsu so druhe demokratiske frakcije na wčerawšim posedźenju prezidija sejma namjetej Lěwicy přizamknyli, so na zhromadne wolenje prěnich styrjoch kandidatow na lisćinje Domowiny dojednać. To by dobry mjeńšinopolitiski signal był, zo so sakski parlament po demokratiskim wotumje třěšneho zwjazka Serbow ma a tych jako zastupjerjow Serbow wobkrući, kotřiž su w gremijach Domowiny wjetšinu docpěli.
Tak dyrbimy wot toho wuchadźeć, zo maja druhe frakcije wotpohlad, wólby čłonow Rady za serbske naležnosće za stronskopolitiske zajime znjewužiwać. Frakcija Lěwicy tajke postupowanje jasnje wotpokaza a dale za pućom pyta, wotumej zastupnistwa serbskeho ludu tež w sakskim ludowym zastupnistwje k wuspěchej dopomhać. Njebychmy-li to činili, hrozy strach, zo koalicija zestawu Rady za serbske naležnosće po swojej woli postaji, štož je so w zańdźenosći hižo negatiwnje wuskutkowało.
Kommentare
Pflegenotstand stoppen!
Für Frieden und Abrüstung
